Romelu Lukaku yeni klubu ilə müqavilə bağlamaq üçün İtaliyaya gəlib

İngiltərənini “Mançester Yunayted” klubunun futbolçusu Romelu Lukaku “İnter”lə müqavilə bağlamaq üçün İtaliyaya gəlib.

“Report”un məlumata görə, 26 yaşlı hücumçunu Milandakı hava limanında 200 yaxın azarkeş qarşılayıb.

Daha öncə İngiltərə mətbuatı “İnter”in belçikalı forvard üçün “Mançester Yunayted”ə rəhbərliyi ilə görüşüb 84 milyon avro ödəyəcəyini yazıb. Lukakunun İtaliyada həftəsinə 200 min avro civarında maaş alacağı bildirilir.

Qeyd edək ki, “Mançester Yunayted” Lukakunu 2017-ci ilin yayında “Everton”dan 90 milyon funt sterlinqə alıb. Onun klubu ilə 30 iyun 2022-ci ilə qədər müqaviləsi vardı.