​Rivaldo 43 yaşında futbola qayıdıb

Bakı. 8 iyul. REPORT.AZ/ Braziliyanın 2-ci liqasında çıxış edən "Moqi Mirim" futbol klubunun prezidenti Rivaldo yenidən yaşıl meydanlara qayıdıb. "Report"un məlumatına görə, sabiq hücumçu "Nautiko" ilə keçirilən matçda forma geyinib. 

O, 68 dəqiqə meydanda qalıb. Rivaldonun meydanda olduğu müddətdə 0:1 hesabı ilə geridə olan "Moqi Mirim" 43 yaşlı futbolçunun əvəzlənməsindən sonra 2 qol vuraraq qələbə qazanıb.

Oyundan sonra jurnalistlərə açıqlama verən Rivaldo gənclərə nümunə olmaq üçün bu cür addım atdığını deyib: "Bir il 3 aylıq fasilədən sonra yenidən meydana qayıtdım. 20 gündür ki, məşqlərə start vermişəm".

Qeyd edək ki, braziliyalı Rivaldo 2014-cü ildə futbolçu karyerasını başa vurub.