Renat Dadaşovun yeni baş məşqçisi açıqlanıb

Azərbaycan millisinin futbolçusu Renat Dadaşovun çıxış etdiyi İsveçrə "Qrasshopper"inin yeni baş məşqçisi bəlli olub.

"Report" klubun rəsmi saytına istinadən xəbər verir ki, bu vəzifəyə komandanın sabiq müdafiəçisi Bruno Berner təyinat alıb.

46 yaşlı mütəxəssislə 2 illik müqavilə imzalanıb. O, 2023/2024 mövsümündən komandaya rəhbərlik edəcək.

Qeyd edək ki, Renat Dadaşov Sürix təmsilçisinə ötən ilin iyulunda keçib.