"Real" qışda heyətini yeni müdafiəçi ilə gücləndirəcək

İspaniyanın "Real" (Madrid) klubu qış "transfer pəncərəsi"ndə heyətini yeni müdafiəçi ilə gücləndirəcək.

"Report" yerli mətbuata istinadən xəbər verir ki, "Kral klubu" "Jirona"nın 23 yaşlı oyunçusu Miqel Qutyerresi heyətinə qatacaq.

"Real"ın futbol akademiyasının yetirməsi olan Qutyerres paytaxt təmsilçisi ilə müqavilə bağlamağa çox yaxındır.

Qeyd edək ki, o, cari mövsüm "Jirona"nın heyətində 20 oyun keçirib və 3 qol vurub.