Qvardiola ən çox titul qazanan məşqçilərin siyahısında ikinci pillədədir

İngiltərənin “Mançester Siti” klubunun baş məşqçisi Qvardiola ən çox titul qazanan mütəxəssislərin siyahısında ikinci pillədədir.

“Report”un məlumatına görə, onun rəhbərlik etdiyi komanda ötən gün klublararası dünya çempionatının qalibi olub.

Bu, ispaniyalı çalışdırıcının baş məşqçi kimi 37-ci kubokudur. Qvardiola indi yalnız əfsanəvi Aleks Ferqyusondan geri qalır. İngiltərənin “Mançester Yunayted” klubunun sabiq çalışdırıcısının hesabında 49 titul var.

Qeyd edək ki, Pep Qvardiola kubokların 16-nı “Mançester Siti”də, 14-nü “Barselona”da (İspaniya), 7-ni isə “Bavariya”da (Almaniya) qazanıb.