"Qarabağ" rəsmisi Avropa Liqasının "pley-off" mərhələsinin püşkünü dəyərləndirib

Bakı. 5 avqust. REPORT.AZ/ "Rəqib barədə tam məlumatlı deyilik. Bu səbəbdən, "Göteborq"un nə dərəcədə münasib komanda olduğunu indidən demək düzgün çıxmaz". 

Bunu "Report"a açıqlamasında "Qarabağ" futbol klubunun direktoru Əmrah Çelikel Avropa Liqasının "pley-off" mərhələsinin püşkatmasının nəticəsini dəyərləndirərkən deyib. 

O bildirib ki, baş məşqçi Qurban Qurbanov hazırlıq və uğurlu çıxış üçün lazımi tədbirləri görəcək, klub rəhbərliyi isə onun addımlarını dəstəkləyəcək.

Qeyd edək ki, "Qarabağ" Avropa Liqasında 2013-2014 mövsümündə İsveçin digər təmsilçisi "Gefle" ilə üz-üzə gəlib. III təsnifat mərhələsinə təsadüf etmiş hər iki qarşılaşmada Ağdam təmsilçisi qalib gəlib - 1:0, 2:0.