"Qarabağ"ın "Kukesi" ilə oyunlarının vaxtı açıqlanıb

Bakı. 19 iyul. REPORT.AZ/ “Qarabağ”ın Çempionlar Liqasının II təsnifat mərhələsində Albaniya “Kukesi”si ilə keçirəcəyi oyunların vaxtı müəyyənləşib.

"Report" UEFA-nın saytına istinadən xəbər verir ki, bu komandalar arasındakı ilk qarşılaşma Albaniyada baş tutacaq. Ağdam təmsilçisinin səfərdəki ilk matçı iyulun 25-də Bakı vaxtı ilə saat 21:00-da başlanacaq.

Cavab oyunu isə avqustun 1-də Tofiq Bəhramov adına Respublika Stadionunda olacaq. Bu oyun da 21:00-da start götürəcək.