“Qalatasaray” “Trabzonspor”a qalib gələrək “Fənərbağça” ilə xallarını bərabərləşdirib

Türkiyə Superliqasının 21-ci həftəsində “Trabzonspor” “Qalatasaray”ı qəbul edib.

"Report" xəbər verir ki, İstanbul nəhəngi rəqibinə 5:1 hesabı ilə qalib gəlib.

“Sarı-qırmızılar"ın qollarını 13, 61 və 90-cı dəqiqələrdə Vilfrid Zaha, 64-cü dəqiqədə Kaan Ayhan, 80-ci dəqiqələrdə isə Kərəm Aktürkoğlu vurublar. “Trabzonspor”dan 79-cu dəqiqədə Enis Destan fərqlənib.

Bu nəticədən sonra xallarının sayını 54-ə yüksəldən “Qalatasaray” lider “Fənərbağça”ya çatıb. “Trabzonspor” 37 xalla üçüncüdür.