PSJ Mbappeyə 100 milyon avro borcludur

Fransanın PSJ klubu sabiq hücumçusu Kilian Mbappeyə 100 milyon avro borcludur.

“Report”un məlumatına görə, bu barədə “Marca” yazıb.

PSJ Mbappenin gedişini elan etdiyi vaxtdan onun maaşını ödəməyib.

Hazırda problemi həll etmək üçün fransalı forvardın nümayəndələrinin yaxın vaxtlarda klub rəhbərliyi ilə görüşəcəyi gözlənilir. Klubun futbolçuya iki aylıq maaş və bonuslar daxil olmaqla bütün məbləği ödəyəcəyi güman edilir.

Kilian Mbappe 7 il keçirdiyi PSJ-dən ayrıldığını bu ilin mayında açıqlamışdı. İyunun 3-də hücumçunun “Real” ilə müqavilə imzaladığı rəsmən açıqlanıb.