PSJ-nin sabiq futbolçusu vəfat edib

Kamerun millisinin sabiq yarımmüdafiəçisi Modest M'Bami 40 yaşında vəfat edib.

“Report” xəbər verir ki, bu barədə Fransanın PSJ klubunun mətbuat xidməti məlumat yayıb.

Ölümün səbəbi infarkt olub.

“PSJ keçmiş oyunçumuz Modest M'Baminin bu gün vəfat etməsi xəbərindən dərin kədərlənib. Klub onun ailəsinə və yaxınlarına dərin hüznlə başsağlığı verir”, - bəyanatda deyilib.

Qeyd edək ki, M'Bami 2003-2006-cı illərdə PSJ-də çıxış edib, komanda ilə iki dəfə Fransa kubokunu qazanıb. O, karyerası ərzində Fransanın “Sedan”, “Le Havre” və “Marsel”, İspaniyanın “Almeriya”, Çinin “Dalian Airbin” və “Çançun Yatay”, Səudiyyə Ərəbistanından “Əl-İttihad” və Kolumbiyanın “Millonarios” klublarında da çıxış edib.