PSJ Mbappenin mövqeyinə Qrizmanı transfer etmək istəyir

İspaniyanın "Atletiko" (Madrid) klubunun futbolçusu Antuan Qrizman karyerasını Fransada davam etdirə bilər.

"Report" "Lequipe" nəşrinə istinadən xəbər verir ki, PSJ 32 yaşlı hücumçunu transfer etmək istəyir.

Paris təmsilçisi fransalı forvardı Kilan Mbappenin əvəzləyicisi kimi görür.

Qeyd edək ki, Antuan Qrizman ötən mövsüm "Atletika"da 48 oyuna çıxıb, 16 qol və 17 məhsuldar ötürmə ilə yadda qalıb.