PSJ Mbappeni klubda saxlamaq üçün ona kapitanlıq təklif edir

Fransanın PSJ klubu futbolçusu Kilian Mbappeyə yeni müqavilə təklif edəcək.

"Report" "Lequipe" nəşrinə istinadən xəbər verir ki, Paris təmsilçisinin rəhbərliyi 24 yaşlı hücumçunu komandada saxlamaq üçün ona jest edəcək.

PSJ kapitanlıq sarğını Markinyosdan alıb Mbappeyə vermək niyyətindədir.

Qeyd edək ki, Kilian Mbappenin müqaviləsi yayda başa çatacaq. Hücumçu cari mövsüm Fransa klubunda 37 oyuna çıxıb, 26 qol və 17 məhsuldar ötürmə ilə yadda qalıb. Oyunçu ilə İspaniyanın "Real Madrid" klubu yaxından maraqlanır.