PSJ "Liverpul"un futbolçusunu transfer etmək niyyətindədir

PSJ "Liverpul"un müdafiəçisi İbrahima Konateni transfer etmək niyyətindədir.

"Report"un ESPN-ə istinadən məlumatına görə, Paris klubu 25 yaşlı futbolçunu mayda heyətinə qatmaq istəyir.

İ.Konatenin "Liverpul"la hazırkı müqaviləsinin müddəti 2026-cı ilə qədərdir. Mersisayd klubu daha əvvəl fransalı oyunçuya yeni müqavilə təklif edib.

Qeyd edək ki, İ.Konate İngiltərə Premyer Liqasında 18 oyun keçirib, 1 qol vurub və 2 məhsuldar ötürmə edib.