PSJ 12-ci dəfə Fransa Superkubokunun qalibi olub

PSJ və “Tuluza” komandaları Fransa Superkuboku uğrunda görüşdə üz-üzə gəliblər.

“Report” xəbər verir ki, qarşılaşma Parisdəki "Park des Princes" stadionunda baş tutub.

PSJ rəqibini 2:0 hesabı ilə məğlub edib. Qolları 3-cü dəqiqədə Li Kan İn, 44-cü dəqiqədə Kilian Mbappe vurublar.

PSJ bütün turnirlərdə məğlubiyyətsizlik seriyasını 9 matça çatdırıb. Komanda sonuncu dəfə noyabrın 7-də, Çempionlar Liqasının qrup mərhələsində İtaliya "Milan"ına səfərdə məğlub olub - 1:2.

PSJ 12-ci dəfə Fransa Superkubokunu qazanıb. Bu, turnirin rekordudur. Bu göstəricidə ən yaxın təqibçi 8 titul sahibi olan “Lion”dur.