Premyer Liqanın XXVIII turu 2025-ci ilin ən məhsuldarı olub

Misli Premyer Liqasının XXVIII turu 2025-ci ilin ən məhsuldar turu olub.

Peşəkar Futbol Liqasının mətbuat xidmətindən "Report"a verilən məlumata görə, 5 oyunda 18 qol vurulub.

“Sumqayıt” – “Sabah” (3:3) matçında 6, “Turan Tovuz” – “Qarabağ” (1:4) oyununda 5, “Zirə” – “Şamaxı” (3:0) görüşündə üç qol qeydə alınıb. “Neftçi” – “Araz-Naxçıvan” və “Kəpəz” – “Səbail” (hər ikisi 1:1) qarşılaşmalarının hərəsində 2 top vurulub.

Turun orta məhsuldarlığı 3,60-a bərabərdir. Bu, cari mövsümün ikinci göstəricisinin təkrarıdır. X turda da 18 qol qeydə alınıb.

Mövsümün rekordu isə 19 topun vurulduğu VIII tura məxsusdur. XXVIII tur mövsümün 3 ən məhsuldarlarından biri olmaqla yanaşı, 2025-ci ilin ən qollu turu olub.