Premyer Liqa: XXVII turun son matçında “Sumqayıt” “Turan Tovuz”u məğlub edib

Azərbaycan Premyer Liqasının XXVII turunun son matçında “Sumqayıt” “Turan Tovuz”u məğlub edib.

“Report”un məlumatına görə, Tovuz şəhər stadionunda baş tutan görüş Sumqayıt təmsilçisinin 2:1 hesablı qələbəsi ilə yekunlaşıb.

Tovuz klubunun heyətində 8-ci dəqiqədə Ayxan Hüseynov fərqlənib. “Sumqayıt”ın qollarını Ayxan Süleymanlı (18) və Bobur Abdixolikov (64) vurub.

Bu nəticədən sonra “Sumqayıt” 28 xalla 7-ci yerdə qərarlaşıb. 43 xala malik “Turan Tovuz” isə dördüncüdür.

Qeyd edək ki, turun əvvəlki matçlarında "Araz-Naxçıvan" "Şamaxı" (1:1), "Kəpəz" "Qarabağ" (0:0), “Sabah” “Zirə” (1:1) ilə heç-heçəyə razılaşıb. "Neftçi" isə "Səbail" üzərində qələbə qazanıb - 2:1.