Premyer Liqa: Son turda “Turan Tovuz” “Kəpəz”i məğlub edib

Misli Premyer Liqasında mövsümün son turunda “Turan Tovuz” “Kəpəz”i məğlub edib.

“Report” xəbər verir ki, Tovuz şəhər stadionunda baş tutan görüş meydan sahiblərinin 4:0 hesablı qələbəsi ilə yekunlaşıb.

“Turan Tovuz”dan Aleks Souza dubla (10-cu və 23-cü dəqiqələr) imza atıbsa, Ayxan Hüseynov 44-cü dəqiqdə fərqlənib. “Kəpəz”in futbolçusu Turan Manfov isə 42-ci dəqiqədə avtoqol müəllifi olub.

4-cü pillədə olan “Turan Tovuz” bu nəticədən sonra xallarının sayını 55-ə yüksəldib. “Kəpəz” isə mövsümü 32 xalla 9-cu yerdə başa vurub.

Qeyd edək ki, turun əvvəlki oyunlarında "Sumqayıt" səfərdə "Səbail"i (4:1), "Qarabağ", "Şamaxı"nı (1:0), “Sabah” isə “Neftçi”ni (1:0) məğlub edib.