"Neftçi"nin toplanışdakı rəqibləri bəlli olub

“Neftçi”nin qış fasiləsindəki hazırlıq planı müəyyənləşib.

"Report" klubun rəsmi saytına istinadən xəbər verir ki, hazırlığın ilk mərhələsi yanvarın 5-dən 9-dək Bakıda baş tutacaq və fiziki hazırlığa həsr olunacaq.

Əsasən taktiki çalışmalardan ibarət təlim-məşq toplanışının ikinci mərhələsi isə yanvarın 10-dan 25-dək Türkiyədə olacaq. Antalya şəhərinin Manavqat bölgəsindəki “The Sense De Luxe” hotelində məskunlaşacaq "ağ-qaralar" sözügedən ölkədə 3 yoxlama görüşü keçirməyi planlaşdırır. Paytaxt təmsilçisi yanvarın 14-də Macarıstanın “Kişvarda”, 19-da Polşanın “Visla” (Plotsk) klubu ilə qarşılaşacaq.

Yanvarın 24-dəki rəqib isə hələlik dəqiqləşməyib.