“Neftçi”nin oyununa görə Sarayevoda nəqliyyatın hərəkəti dayandırılacaq

“Neftçi”nin UEFA Konfrans Liqasının II təsnifat mərhələsində Bosniya və Herseqovinanın “Jelezniçar” klubu ilə bu gün keçirəcəyi oyuna görə Sarayevoda nəqliyyatın hərəkəti dayandırılacaq.

“Report”un “avaz.ba” saytına istinadən məlumatına görə, konkret olaraq Zvorniçka küçəsində Bakı vaxtı ilə saat 21:00-dan etibarən nəqliyyatdan istifadə mümkün olmayacaq.

Yerli Nəqliyyat Nazirliyi “Jelezniçar” – “Neftçi” görüşünün təhlükəsiz təşkili üçün bu qərarı qəbul edib. Zvorniçka küçəsində insanlar 5 saat nəqliyyatdan yararlana bilməyəcəklər.

Qeyd edək ki, “Qrbavitsa” stadionunda keçiriləcək görüş Bakı vaxtı ilə saat 23:00-da başlayacaq.