"Neftçi" klubu futbolçusunu cəzalandırıb

Bakı. 15 noyabr. REPORT.AZ/ “Neftçi” klubunun futbolçusu Elnur Cəfərov baş məşqçi Tərlan Əhmədovun təqdimatına əsasən əvəzedici komandaya göndərilib. 

Klubdan "Report"a verilən məlumata görə, gənc yarımmüdafiəçi intizam kodeksinə uyğun cərimələnib. Buna səbəb Cəfərovun Azərbaycanın 21 yaşadək futbolçulrdan ibarət milli komandasının heyətindəki çıxışı və sosial şəbəkələrdəki hərəkəti ilə milli komandanın və klubun ictimai nüfuzuna xələl gətirməsidir.

Qeyd edək ki, Elnur Cəfərov Azərbaycan yığmasının Almaniyaya 0:7 hesabı ilə uduzduğu görüşdən sonra əyləndiyini əks etdirən fotolar paylaşıb və azarkeşi təhqir edib.