"Neftçi"nin futbolçusu milli komandasının düşərgəsinə yollanmayacaq

"Neftçi”nin futbolçusu Soni Mustivar Haiti milli komandasının düşərgəsinə yollanmayacaq.

"Report" klubun rəsmi saytına istinadən xəbər verir ki, buna səbəb 29 yaşlı yarımmüdafiəçinin zədə almasıdır. Oyunçu sağ budun orta 1/3-də birinci dərəcəli gərilmə diaqnozu ilə 7-8 gün müalicə olunandan sonra fərdi məşqlərə başlayacaq.

Xatırladaq ki, Soni Mustivar Haiti milli komandasının CONCAKAF Milli Liqası çərçivəsində sentyabrın 7-də və 10-da Kurasao yığması ilə keçirəcəyi oyunlara dəvət olunmuşdu.