"Monpelye"nin erməni baş məşqçisi komandanın futbolçusu ilə dava edib

Fransanın “Monpelye” klubunun baş məşqçisi, erməni Mişel Ter-Zakaryan komandanın futbolçusu Mamadu Sako ilə dava edib.

"Report"un məlumatına görə, bu barədə "L Equipe" xəbər yayıb.

Hadisə oktyabrın 24-də axşam məşqdən sonra klubun paltardəyişmə otağında baş verib. 33 yaşlı müdafiəçi məşqçisinin iradından narazı qalıb.

Ter-Zakaryan hadisə ilə bağlı açıqlama verməyib.

M.Sako bu mövsüm bir oyunda iştirak edib və heç bir məhsuldar hərəkətə imza atmayıb. Fransalı futbolçu “Montpelye” ilə yanaşı, PSJ, İngiltərənin “Liverpul” və “Kristal Pelas” komandalarında çıxışı ilə də tanınır. O, millinin forması ilə 29 oyun keçirib, 2 qol vurub.