"Mingəçevir" klubu I Liqada rəqiblərini köməkçi meydanda da qəbul edəcək

"Mingəçevir" klubu I Liqada rəqiblərini köməkçi meydanda da qəbul edəcək.

Bu barədə "Report"a açıqlamasında bölgə təmsilçisinin sözçüsü Elnur Qasımov məlumat verib.

Onun sözlərinə görə, Yaşar Məmmədzadə adına Mingəçevir şəhər stadionunda ilk olaraq köməkçi meydanın təmirinə başlanılıb:

"Bunu yekunlaşdırıb, Peşəkar Futbol Liqasının standartlarına uyğunlaşdırdıqdan sonra ev oyunlarımızı süni meydanımızda keçirməyi planlaşdırırıq. Ardınca arenanın əsaslı təmirinə start veriləcək. Daha bir süni meydan da hazırlanacaq. Müvəqqəti olaraq 2-3 matçda rəqibləri Zaqatala Olimpiya Kompleksinin stadionunda qəbul edəcəyik".

Qeyd edək ki, "Mingəçevir" I Liqada 12 turdan sonra 6 xalla sonuncu - onuncu pillədə qərarlaşıb.