Mbappe Tokio olimpiadasında iştirak edə bilər

Fransanın PSJ klubunun futbolçusu Kilian Mbappe millinin heyətində bu yay Tokioda keçiriləcək Yay Olimpiya Oyunlarında iştirak edə bilər.

"Report"un məlumatına görə, bu barədə Fransa Futbol Federasiyasının prezidenti Noel Le Qre "Eurosport"a açıqlamasında deyib.

Funksioner məsələni müzakirə etmək üçün yaxın günlərdə 23 yaşlı hücumçu ilə görüəcəyini bildirib. Onun sözlərinə görə, əvvəlcə gənc forvardın fikrini öyrənmək lazımdır.

Qeyd edək ki, Tokio Yay Olimpiya Oyunları koronavirus pandemiyası ilə əlaqədar 2020-ci il 24 iyul - 9 avqustdan bu il 23 iyul - 8 avqusta təxirə salınıb.