"Mançester Siti" Pol Poqbanı transfer etmək niyyətindədir

İngiltərənin "Mançester Siti" klubu Fransa yığmasının keçmiş yarımmüdafiəçisi Pol Poqbanı transfer etmək niyyətindədir.

"Report" "The Independent"ə istinadən məlumat verir ki, klub 31 yaşlı futbolçu ilə əlaqə saxlayıb.

Fransalı yarımmüdafiəçiyə zədəsini sağaltmaqla məşğul olan "Qızıl top"un hazırkı sahibi, ispaniyalı Rodrinin müvəqqəti əvəzləyicisi kimi baxılır.

Qeyd edək ki, dünya çempionu antidopinq qaydalarının pozulmasına görə diskvalifikasiya olunub. İlkin cəza müddəti 2023-cü ilin sentyabrından etibarən 4 il təşkil etsə də, sonradan 18 aya qədər azaldılıb. P.Poqba gələn ilin martında meydana qayıda biləcək.