"Mançester Siti"nin gənc futbolçusu klubun tarixinə düşüb

İngiltərə təmsilçisi "Mançester Siti"nin gənc futbolçusu Kaden Breytveyt klubun tarixinə düşüb.

"Report" "Rising Stars"a istinadən xəbər verir ki, o, XXI əsrdə Mançester təmsilçisində oynayan ən gənc futbolçu ünvanına yiyələnib.

Sentyabrın 24-də İngiltərə Liqa Kubokunun 1/16 finalında "Uotford" komandası ilə oyunda debüt edən futbolçu meydana çıxarkən 16 yaş 229 günündə olub.

Qarşılaşmanın start heyətində yer alan müdafiəçi həm də klubun tarixində meydana çıxan üçüncü ən gənc futbolçudur.

Qeyd edək ki, görüşdə "Mançester Siti" "Uotford"u 2:1 hesabı ilə məğlub edib.