"Liverpul" Yurgen Kloppun müqaviləsini uzadıb

İngiltərə "Liverpul"u baş məşqçisi Yurgen Kloppla yeni müqavilə imzalayıb.

"Report" klubun rəsmi saytına istinadən xəbər verir ki, almaniyalı mütəxəssisin sözləşməsinin müddəti 2026-cı ilin yayınadək uzadılıb.

Xəbər Mersisayd təmsilçisinin tviter hesabında Kloppun çəkdiyi video ilə paylaşılıb.

Təəssüratlarını bölüşən 55 yaşlı baş məşqçi "Liverpul"a aşiq olduğunu bildirib: "Burada özümü yaxşı hiss edirəm. Buna görə çox şanslıyam".

Qeyd edək ki, Yurgen Klopp 2015-ci ildən "Liverpul"a rəhbərlik edir. Klub onun başçılığı altında İngiltərə Premyer Liqasını, Liqa Kubokunu, UEFA Çempionlar Liqasını və Superkubokunu, həmçinin klublararası dünya çempionatını qazanıb.

pic.twitter.com/PkDRRnsSIg

— Liverpool FC (@LFC) April 28, 2022