"Liverpul" və "Beşiktaş"ın sabiq qapıçısı karyerasını başa vurmağa yaxındır

İngiltərədə "Liverpul" və "Nyukasl", Türkiyədə isə "Beşiktaş"ın formasını geyinən qapıçı Loris Karius karyerasını başa vurmağa yaxındır.

"Report" xəbər verir ki, bu barədə almaniyalı qolkiper "Sky Sport"a müsahibəsində bildirib.

Hazırda azad agent statusu daşıyan 31 yaşlı əlcək sahibi istədiyi klubdan təklif almayacağı təqdirdə karyerasını bitirəcəyini söyləyib.

Qeyd edək ki, 2018-2020-ci illər aralığında "Beşiktaş"da çıxış edən K.Karius 67 matçda meydana çıxıb və qapısında 95 qol görüb.