“Liverpul” klubu futbolçusunu icarəyə verib

İngiltərənin “Liverpul” klubu futbolçusu Fabio Karvalyunu icarəyə verib.

“Report” xəbər verir ki, bu barədə Premyer Liqa təmsilçisinin mətbuat xidməti məlumat yayıb.

Bildirilib ki, portuqaliyalı yarımmüdafiəçi Çempionşip təmsilçisi “Hall Siti”də çıxış edəcək. Razılığa əsasən, 21 yaşlı oyunçu mövsümün sonuna qədər aşağı liqa komandasının formasını geyinəcək.

Qeyd edək ki, Fabio Karvalyu mövsümün ilk dövrəsini icarə əsasında Almaniyanın “Leyptsiq” klubunda keçirib. “Hall Siti” isə hazırda Çempionşipdə turnir cədvəlinin 7-ci pilləsində qərarlaşıb.