"Latsio" klubu Meyson Qrinvuda görə 35 milyon avro təklif edib

İtaliyanın "Latsio" klubu İngiltərə təmsilçisi "Mançester Yunayted"ə hücumçusu Meyson Qrinvuda görə 35 milyon avro təklif edib.

"Report" "Daily Mail"ə istinadən xəbər verir ki, Roma klubu ilə 22 yaşlı ingiltərəli futbolçu arasında danışıqlar müsbət yöndə davam edir.

M.Qrinvud ötən mövsüm İspaniyanın “Xetafe” klubunda icarə əsasında çıxış edib. O, bu komandanın heyətində bütün yarışlarda meydana çıxdığı 36 oyunda 10 qola, 6 məhsuldar ötürməyə imza atıb.

Qeyd edək ki, "Transfermarkt" portalı hücumçunun dəyərini 25 milyon avro qiymətləndirir. Onun "Mançester Yunayted"lə müqavilə müddəti 2025-ci ilin yayına qədərdir.