Konfrans Liqası: Türkiyə klublarının mümkün rəqibləri müəyyənləşib

Türkiyə klublarının UEFA Konfrans Liqasının pley-off mərhələsindəki potensial rəqibləri bəlli olub.

“Report”un məlumatına görə, “Beşiktaş”ın Azərbaycan təmsilçisi “Neftçi” ilə təşkil etdiyi cütün qalibi növbəti raundda “Dinamo” (Kiyev, Ukrayna) - “Aris” (Yunanıstan) duelinin güclüsü ilə üz-üzə gələcək.

İstanbulun digər təmsilçisi “Fənərbağça” Sloveniya “Maribor”unu yensə, “Tvente” (Niderland) – “Riqa” (Latviya) cütünün qalibi ilə görüşəcək.

“Adana Dəmirspor” isə Xorvatiyanın “Osiyek” klubunu üstələsə, Avropa Liqasının III təsnifat mərhələsinin “Olimpiakos” (Yunanıstan) – “Genk” (Belçika) cütünün məğlubu ilə qarşılaşacaq.

Qeyd edək ki, pley-off mərhələsinin oyunları 24-31 avqustda baş tutacaq.