KİV: "Barselona"nın futbolçusu üçün 400 milyon avroluq təklif hazırlanıb

_{Səudiyyə Ərəbistanı klubu İspaniya təmsilçisi "Barselona"da çıxış edən Lamin Yamalı transfer etmək üçün 400 milyon avroluq təklif hazırlayıb.}

_{"Report" xəbər verir ki, bu barədə "Fichajes" iddia irəli sürüb.}

_{Nəşr həmin klubun adını açıqlamayıb. Buna baxmayaraq, "Barselona"nın 17 yaşlı vingeri satmaq istəmədiyi diqqətə çatdırılıb.}

_{Lakin Kataloniya təmsilçisinin rəhbərliyi maliyyə problemləri ucbatından bu keçidə razılıq verə bilər.}

_{Qeyd edək ki, ispaniyalı oyunçunun hazırkı müqaviləsinin müddəti 2026-cı ilin yayınadək qüvvədədir. O, cari mövsüm 43 oyunda 14 qol və 21 məhsuldar ötürmə ilə yadda qalıb.}