Keyn "Real Madrid"ə keçməyə razılıq verib

İngiltərə millisinin və "Tottenhem"in futbolçusu Harri Keyn İspaniya "Real Madrid"inə keçməyə razılıq verib.

"Report"un "Marca" nəşrinə istinadən məlumatına görə, "kral klubu" 30 yaşlı hücumçu üçün qarşı tərəfə 80 milyon avro təzminat ödəyəcək.

London təmsilçisi təcrübəli forvardı yerli komandalardan heç birinə satmaq istəmədiyi və maliyyə problemi ilə üzləşdiyi üçün onun Madrid təmsilçisinə keçidinə razılaşıb.

Qeyd edək ki, Harri Keyn 2022/2023 mövsümündə "Tottenhem"in heyətində bütün turnirlərdə 49 oyun keçirib. Fransalı hücumçu bu matçlarda 32 qol və 5 məhsuldar ötürmə ilə yadda qalıb. Onun londonlularla 2024-cü ilin yayınadək müqaviləsi var.