İngiltərə Premyer Liqası: "Mançester Siti" ardıcıl dördüncü dəfə çempion olub

"Mançester Siti" klubu ardıcıl dördüncü dəfə İngiltərə Premyer Liqasının qalibi olub.

"Report" xəbər verir ki, "şəhərlilər" sonuncu - XXXVIII turda "Vest Hem"ə 3:1 hesabı ilə qalib gələrək xallarının sayını 91-ə çatdırıb.

Onların ən yaxın izləyicisi "Arsenal" 89 xalla ikinci, "Liverpul" isə 82 xalla üçüncü olub.

Qeyd edək ki, "Mançester Siti" Premyer Liqada ardıcıl dördüncü dəfə çempion olan ilk komanda kimi tarixə düşüb.