Azərbaycan komandası Gürcüstanda idman jurnalistləri arasında turnirə qatılıb

Oktyabrın 29-da Gürcüstanın paytaxtı Tbilisidə məşhur futbol şərhçisi Kote Maxaradzenin xatirəsinə həsr edilmiş idman jurnalistləri arasında beynəlxalq turnir keçiriləcək.

"Report"un məlumatına görə, yarışda 7 ölkədən 8 komanda mübarizə aparacaq. Azərbaycanı İdman Jurnalistləri Federasiyasının (AİJF) yığma komandası təmsil edəcək.

Turnirdən bir gün əvvəl püşkatma mərasimi gerçəkləşib. Azərbaycan komandası B qrupunda Ukrayna (Kiyev), Litva və Moldovaya rəqib olub. A qrupunda isə Gürcüstan, Ukrayna (Odessa), Qazaxıstan və Ermənistan yer alıb.