"Frayburq" "Qarabağ"la oyundan öncə qələbə qazanaraq liderliyə yüksəlib

"Qarabağ"ın UEFA Avropa Liqasının G qrupundakı rəqiblərindən olan "Frayburq" Almaniya Bundesliqasında növbəti oyununu keçirib.

"Report"un məlumatına görə, Frayburq şəhərinin eyniadlı təmsilçisi V turda səfərdə "Bayer"lə qarşılaşıb. Görüş qonaqların 3:2 hesablı qələbəsi ilə başa çatıb.

Bu nəticədən sonra xallarını 12-yə çatdıran "Frayburq" liderliyə yüksəlib.

Qeyd edək ki, Almaniya klubu növbəti matçını sentyabrın 8-də evdə “Qarabağ”a qarşı keçirəcək.