"Fənərbağça"nın saytı şəhidimizdən yazdı

Türkiyənin "Fənərbağça" klubu İkinci Qarabağ müharibəsində şəhid olan Niyamin Niftalızadəni yad edib.

"Report"un xəbərinə görə, İstanbul təmsilçisinin rəsmi saytına onunla bağlı yazı yer alıb.

Yazıda bildirilib ki, Niyamin Niftalızadənin məzarı önünə klubun forması və əklil qoyulub. "Azərbaycan Ordusunda xidmət edərkən şəhid olan Niyamin Niftalızadəyə Allahdan rəhmət diləyir, yaxınlarına və Azərbaycan xalqına başsağlığı veririk", - yazıda vurğulanıb.

Qeyd edək ki, daha əvvəl "Qalatasaray" klubu şəhid Fərid Dursunov və Murad Məmmədovla bağlı paylaşım edib.