Erlinq Holann Norveç millisindəki formasındakı soyadını dəyişdirib

İngiltərənin "Mançester Siti" klubunun hücumçusu Erlinq Holann Norveç millisindəki formasındakı soyadını dəyişdirməyə qərar verib.

"Report" xəbər verir ki, bu barədə Norveç yığmasının mətbuat xidməti məlumat yayıb.

Futbolçunun "9" nömrəli formada, "Braut Haaland" soyadı ilə çıxış edəcəyi bildirilib. 

25 yaşlı hücumçu əvvəllər meydana yalnız atasının soyadı ilə çıxırdısa, indi anası Qryu Marita Brautun da soyadını formasına əlavə edib.

Beləliklə, ön xətt oyunçusu Norveç millisində hər iki valideyninin soyadı altında meydana çıxacaq.