“Əl-Nəsr” Ronaldu ilə Çempionlar Liqasında oynaya bilər

Avropa Futbol Assosiasiyaları İttifaqı (UEFA) Səudiyyə Ərəbistanının "Əl-Nəsr" klubunun UEFA Çempionlar Liqasında iştirak imkanlarına baxacaq.

"Report"un məlumatına görə, bu barədə jurnalist Əli Əl-Hərbi sosial şəbəkələrdə xəbər paylaşıb.

Onun yazdığına görə, UEFA rəhbərliyi portuqaliyalı hücumçu Kriştianu Ronaldunun çıxış etdiyi komandanın populyarlığını nəzərə alaraq onu dəvət etməkdə maraqlıdır.

Çempionlar Liqasının formatı 2024-cü ildən dəyişdiriləcək. Komandaların sayı 32-dən 36-ya yüksələcək.