Səudiyyə Ərəbistanının “Əl-Hilal” futbol klubu ardıcıl 28-ci matçda qalib gələrək, ən uzun qələbə seriyasına görə yeni dünya rekorduna imza atıb.
"Report"un məlumatına görə, Asiya Çempionlar Liqasının 1/4 final mərhələsinin cavab matçında "Əl-Hilal" Səudiyyə Ərəbistanının "Əl-İttihad" klubuna 2:0 hesabı ilə qalib gəlib.
İlk görüş də 2:0 hesabı ilə “Əl-Hilal”ın xeyrinə başa çatmışdı.
“Əl-Hilal” 2016/17 mövsümündə ardıcıl 27 rəsmi oyunda qalib gələn Uels təmsilçisi “Nyu Seynts”in nailiyyətini geridə qoyub.
“Əl-Hilal” Asiya Çempionlar Liqasının yarımfinalında BƏƏ-nin “Əl-Əyn” klubu ilə qarşılaşacaq.