DÇ-2022: Malta - Rusiya matçı baş tutmaya bilər

Malta və Rusiya yığmaları arasında DÇ-2022-nin seçmə mərhələ oyununun keçirilməsi sual altına düşüb.

"Report"un Malta mətbuatına istinadən məlumatına görə, qarşılaşma baş tutmaya və ya başqa ölkədə oynanıla bilər.

Buna səbəb Maltada pandemiya ilə bağlı bütün idman tədbirlərinin aprelin 11-dək qadağan olunmasıdır. Yerli futbol assosiasiyası hökumətdən bu görüş üçün istisna tətbiq olunmasını xahiş edib. Lakin hələlik son qərar verilməyib.

Qeyd edək ki, Malta - Rusiya matçı martın 24-də keçirilməlidir.