"Çelsi" 16 yaşlı futbolçunu transfer edib

İngiltərənin "Çelsi" klubu Ekvadorun "İndependyente" komandasının futbolçusu Kendri Payesi transfer edib.

"Report" London təmsilçisinin rəsmi saytına istinadən xəbər verir ki, 16 yaşlı yarımmüdafiəçi ilə uzunmüddətli müqavilə imzalanıb.

O, "zadəganlar"a 2025-ci ildə - 18 yaşı tamam olduqdan sonra qoşulacaq.

Qeyd edək ki, Kendri Payes bu mövsüm "İndependyente"nin əsas komandasında 6 oyun keçirib və 1 qol vurub. Bundan başqa, futbolçu Ekvadorun gənclər yığmasının heyətində U-20 dünya çempionatında 1 qol və 3 məhsuldar ötürmə ilə yadda qalıb.