"Barselona" "Arsenal"ın əsas yarımmüdafiəçilərindən birini transfer edə bilər

"Barselona"nın yaxın vaxtlardakı transfer hədəflərindən biri "Arsenal"ın dayaq yarımmüdafiəçisi Tomas Parti ola bilər.

"Report"un "Mundo Deportivo"ya istinadən verdiyi xəbərə görə, komanda onu gələn yay azad agentə çevriləndən sonra heyətinə qatmağa çalışacaq.

Bu profildən yeni oyunçu axtarışına səbəb “Barselona”nın Frenki de Yonqun oyununu klubun ümid etdiyi səviyyəyə yüksəldəcəyinə inanmamasıdır.

De Yonq 2019-cu ilin yayında "Ayaks"dan "Barsa"ya keçib.

Parti 2020-ci ilin payızında "Atletiko"dan "Arsenal"a keçib. O, bu mövsüm 25 matçda 2 qol vurub, 2 məhsuldar ötürmə edib.

“Transfermarkt” portalı 31 yaşlı Partini 15 milyon avro qiymətləndirir.