Azərbaycan minifutbol millisinin baş məşqçisi: "Xalqımıza sevinc bəxş edəcəyimizə inanıram"

Xalqımıza sevinc bəxş edəcəyimizə inanıram.

"Report" xəbər verir ki, bunu Bakıda keçiriləcək minifutbol üzrə dünya çempionatına həsr olunan mətbuat konfransında Azərbaycan yığmasının baş məşqçisi Elşad Quliyev deyib.

O, mundiala ciddi hazırlaşdıqlarını söyləyib:

"Ölkəmizdə belə turnirin keçirilməsi təqdirəlayiq haldır. Əlimizdən gələni edəcəyik ki, Azərbaycan xalqına sevinc bəxş edək. İstər taktiki-texniki, istərsə də psixoloji cəhətdən mundiala hazırıq".

Qeyd edək ki, dünya çempionatı 21 may - 1 iyun aralığında Milli Gimnastika Arenasında keçiriləcək. Azərbaycan yığması 32 komandanın iştirak edəcəyi mundialın A qrupunda Sloveniya, Mavritaniya və Bəhreynlə mübarizə aparacaq.