Azərbaycan Kuboku: "Keşlə" yarımfinala vəsiqə qazandı

Futbol üzrə Azərbaycan Kubokunun 1/4 final mərhələsində daha bir cavab matçı keçirilib.

"Report"un məlıumatına görə, "Keşlə" Gəncədə I Divizion təmsilçisi "Kəpəz"lə qarşılaşıb.

Görüş qonaqların 2:0 hesablı qələbəsi ilə başa çatıb. Qolları 58-ci dəqiqədə Rəhman Hacıyev, 90-cı dəqiqədə isə Anatole Abanq vurublar.

İlk qarşılaşmada da rəqibini məğlub edən (1:0) "Keşlə" adını yarımfinala yazdırıb. Paytaxt təmsilçisinin bu raunddakı rəqibi "Zirə" - "Neftçi" cütünün qalibi olacaq. İlk oyunda "qartallar" qalib gəliblər - 1:0.

Qeyd edək ki, 1/4 final mərhələsində dünən keçirilmiş oyunlarda "Qarabağ" səfərdə "Qəbələ"ni 3:0, "Sumqayıt" isə "Səbail"i 2:1 hesabı ilə məğlub edərək yarımfinalda rəqib olublar. Bu mərhələnin görüşləri 21-29 apreldə oynanılacaq.