Azərbaycan Kuboku: "Kəpəz" 1/8 finalda "İmişli"ni məğlub edib

Azərbaycan Kubokunun 1/8 final mərhələsində "Kəpəz" klubu "İmişli"ni məğlub edib.

"Report"un məlumatına görə, Tovuz şəhər stadionunda baş tutan görüş Gəncə təmsilçisinin 1:0 hesablı qələbəsi ilə yekunlaşıb.

Yeganə qolu 85-ci dəqiqədə penaltidən Kərim Lkoça vurub. Azər Bağırovun komandası 1/4 finalda "Neftçi" - "Difai" cütünün qalibi ilə qarşılaşacaq.

Qeyd edək ki, ötən gün "Səbail", "Araz-Naxçıvan" və "Sabah" 1/4 finala vəsiqə qazanıblar.