Avropa Liqası: “Roma” “Milan”ı məğlub edərək, yarımfinala yüksəlib

"Roma" UEFA Avropa Liqasının 1/4 final mərhələsinin cavab oyununda evdə "Milan"ı məğlub edib.

"Report"un məlumatına görə, görüş 2:1 hesabı ilə başa çatıb.

Qaliblərin qollarını Canluka Mançini və Paulo Dibala vurub, qonaqların heyətində isə Matteo Qabbia fərqlənib.

31-ci dəqiqədən müdafiəçi Zeki Çelik meydandan qovulduqdan sonra romalılar azlıqda oynayıblar.

İki görüşün yekununa əsasən "Roma" (1:0, 2:1) yarımfinala yüksəlib. Komanda bu raundda Almaniyanın "Bayer 04" klubu ilə oynayacaq.