AVRO-2024: İspaniya millisinin üzvü ilk oyunu buraxa bilər

İspaniya millisinin üzvü Aymerik Laporte yığmasının Avropa çempionatındakı ilk oyununu buraxa bilər.

"Report" "Relevo"ya istinadən xəbər verir ki, 30 yaşlı müdafiəçi əzələsində problem yarandığı üçün bugünkü məşqdə iştirak etməyib.

Qeyd edək ki, AVRO-2024-ün B qrupunda yer alan İspaniya seçməsi ilk oyununu iyunun 15-də Xorvatiyaya qarşı keçirəcək.