"Arsenal"ın futbolçusu klubu ilə yeni müqavilə bağlamağa hazırdır

İngiltərə Premyer Liqası təmsilçisi "Arsenal"ın müdafiəçisi Vilyam Saliba klubla müqavilə müddətini artırmağa hazırdır.

"Report" "Sky Sports"a istinadən xəbər verir ki, bu barədə futbolçu özü müsahibəsində deyib.

O, "topçular"ın heyətində özünü xoşbəxt hiss etdiyini, karyerasını bu komandada davam etdirmək istədiyini bildirib.

Qeyd edək ki, Vilyam Salibanın "Arsenal"la müqavilə müddəti 2027-ci ildə başa çatacaq.