“Araz-Naxçıvan” konqolu futbolçunu transfer edib

“Araz-Naxçıvan” konqolu futbolçu Elvis Maşikeni transfer edib.

Klubdan “Report”a verilən məlumata görə, yarımmüdafiəçi ilə 1 illik müqavilə bağlanıb.

Bu gün Bakıya gələn 29 yaşlı hücumameyilli oyunçu tibbi müayinədən keçdikdən sonra kollektivə qoşulub.

Qeyd edək ki, Elvis Maşike son olaraq Malta klubu “Xamrun Spartan”ın formasını geyinib. O, buna qədər Çexiya və Slovakiyanın “Jilina”, “Senitsa”, “Slovan”, “Viktoriya”, “Visehrad”, “Zvolen”, “Çeçka”, “Loko Vltavin”, “Sered” və “Banik Ruzina” komandalarında çıxış edib.